Сауран ауданында ауыз сумен қамтамасыз ету көрсеткіші 88,9 пайызды құрайды. 36 елді мекеннің 32-і ауыз су құбырымен қамтылған. Егізқара елді мекенге «кешенді блок модуль» қондырғысын орнатуды қажет етеді. Ойық елді мекенін ауыз сумен қамтамасыз ету құрылысы аяқталып, нысанды пайдалануға беру жұмыстары жүргізілуде.
Сонымен қатар, Ескі Иқан, Шорнақ, Қосмезгіл елді мекендеріне 4 жоба әзірленіп, республикалық бюджетке — 8,3 млрд. теңгеге бюджеттік өтінім ұсынылды. Ал, Еңбекші Дихан, С.Қожанов елді мекендерінің жобалары, сараптамаға жолданды. Қараша айында 29 елді мекенге тозығы жеткен 68 дана су насостары алынып, орнатылды.
Ауданда электр қуаты бойынша 32 елді мекендегі электр желілері мен бағаналары 70-ші жылдары салынып, тозығы жеткен. Қазіргі таңда, 32 жоба әзірленіп, 17 жобаға сараптаманың оң қорытындысы алынды.
Сонымен қатар, ағымдағы жылы бюджет есебінен 39 дана трансформатор орнатылды және 2024 жылға 20 данасын алу жоспарлануда.
Қарашық ауылдық округінің Қарашық елді мекеніндегі Қарашық, С.Жамалов және Марайм қары, Құмтүйін елді мекеніндегі Жамбыл, Н.Исатаев, С.Әжібеков, А.Ақтанбаев көшелерінің жарықшамдары жаңартылды.
Сонымен қатар, Жаңа Иқан ауылдық округі, Ибата елді мекеніндегі Ибадулла ата, Шорнақ ауылдық округі Аша елді мекеніндегі Қ.Рысбеков көшелеріне түнгі жарықтандыру шамдары толық ауыстырылып, іске қосылды.
Сауран ауданында жол салу мен жөндеу жұмыстары қарқынды жүргізілуде. Оның ішінде ауыл-аймақ және елді мекен ішіндегі бірнеше көшелер де бар.
Атап айтқанда Жаңа Иқан ауылдық округіне қарасты Ойық елді мекенінің көшелеріне қиыршық тас төсеу жұмыстары жұмыстары жүргізілуде.
Бүгінде ауданда тұрғындар жиі көтеретін мәселелер жүйелі шешімін табуда. Тұрғын үй-коммуналдық шаруашылығы, жолаушылар көлігі және автомобиль жолдары бөлімі тарапынан ауданда жарықтандыру жұмыстары қарқынды жүргізілуде. Тұрмыс тіршіліктің ажырамас бөлігіне айналған электр энергиясымен қамтамасыз етіліп, көше жарықтарының шамдарын орнату жұмыстары да қамтылуда.
Ауылдық округтерде жарық шамдардың жарық беру қуаттылығы жоғары. Жиі қолданылатын соңғы үлгідегі жарық шамдар орнатылуда. Қазіргі таңда Ескі Иқан, М.Жүсіп және Қосқорған елді мекендерінде жүргізілуде.
Облыс әкімінің тапсырмасына сәйкес ауданымызда су тасқыны қаупі бар ауылдық округтерде алдын алу шаралары жалғасуда. Төтенше жағдайды болдырмау мақсатында көміліп қалған арықтарды ашу жұмыстары қарқынды жүргізілуде.
Бүгінде Оранғай ауылдық округіне қарасты Қосқорған ауылында төтенше жағдайлардың алдын-алу жұмыстары жүргізілді. Қосқорған ауылының солтүстік-шығыс, оңтүстік, батыс жақтарынан ауыл тұрғындарының үйлері мен қора-жайларына қауіп төндіруі мүмкін беткейлік сарқынды суларын қауіпсіз аймаққа шығару бағытында жұмыстар жасалынды. Атап айтқанда, жалпы ұзындығы 3100 метр қашықтықта арықтар қазылды.
