Сауран ауданында ауыл шаруашылығы саласында жыл басынан 95,4 млрд.теңгенің өнімі өндіріліп, нақты көлемі-100,8% құрады. Атап өтсек, өсімдік шаруашылығы – 67,4 млрд. теңге (100,9%), мал шаруашылығы – 27,5 млрд. теңгені (100,4%) құрады. Биылғы жылы 44 082 гектарға ауыл шаруашылығы дақылдары егілді. Өткен жылмен салыстырғанда 1945 гектар артық орындалды (104,6 %).
Ауыл шаруашылығының негізгі капиталына 8,1 млрд. теңге инвестиция тартылып, өткен жылдың тиісті кезеңімен салыстырғанда 2,5 есе артты. 2024 жылға ауыл шаруашылығы бойынша жалпы құны — 10,4 млрд. теңгеге 7 ірі және 35 шағын инвестициялық жоба іске асыру жоспарлануда. Оның ішінде, өсімдік шаруашылығында жалпы құны — 3,8 млрд.теңгеге 4 инвестициялық жоба жүзеге асырылады.
Ауданда мал саны — 533 484 бас, құс саны — 179 897 басты құрап, бүгінгі күнге 10 535 тонна ет; 49 977 тонна сүт; 8 млн. 209 мың дана жұмыртқа өндірілді. 2024 жылға мал шаруашылығы саласында жалпы құны — 6,6 млрд.теңгеге ірі 3 инвестициялық жобаны іске асыру жоспарлануда.
Кәсіпкерлікті дамыту бағытындағы мемлекеттік бағдарламалардың тиімділігін пайдаланып, кәсібін мал шаруашылығынан бастаған тұрғындар жыл өткен сайын төрт түліктің басын көбейтуге күш салуда.
Аудан көлемінде мал бордақылауға арнайы жер телімдері бөлініп, шаруаларға заңдастырылып берілуде. Бүгінде Иассы ауылдық округінде орналасқан елді мекендерден тыс жерде 21 гектар аймақ бөлініп, ірі мал бордақылау алаңдары сол орынға ауыстырылуда.
21 гектарға 14 шаруа қожалықтың жер телімдері әзірленіп, қазіргі таңда мал бордақылаумен айналысатын 4 шаруа қожалық өз жұмыстарын бастады. Қалған мал шаруашылығымен айналысатын 10 кәсіпкер құрылыс жұмыстарын жүргізуді бастаған.
Кәсіпкерлердің басым көпшілігінің өтініші негізінде алдағы уақытта ірі-қара өсіру үшін тағыда 50 гектар жер белгіленіп, 40 шаруа қожалық құру жоспарлануда. Аудан тұрғындары мемлекет ұсынған көптеген жеңілдікті тиімді пайдалануға тырысуда.
“АУЫЛ АМАНАТЫ” ЖОБАСЫМЕН 182 ШАРУА 1 193 МЛН. ТЕҢГЕГЕ ҚАРЖЫЛАНДЫРЫЛДЫ
Ауданда «Ауыл аманаты» жобасымен несие алуға 273 адам құжат тапсырды (1 492 млн. теңге). Бүгінгі күнге 1 276 млн. теңгелік 192 жоба мақұлданып, 182 жобаға 1 193 млн. теңгеге қаржыландырылды.
— Мал шаруашылығы бағытында – 158 жоба; (құны 945 млн. теңге)
— Өсімдік шаруашылығы — 9 жоба; (құны — 54 млн. теңге)
— Балық шаруашылығы – 2 жоба; (құны — 17 млн. теңге)
— Ауылшаруашылық өндірістік кооперативтері — 5 жоба;
(құны — 124 млн. теңге)
— Өз кәсібін ашуға — 8 жоба; (құны 53 млн. теңге)
Бүгінгі күнге аудан бойынша 104 шаруа өзге облыстан 1217 мал сатып алды және 9 шаруа жылыжай салды.
Мемлекет қолдауы аясында өңірімізде шағын және орта бизнестің әлеуеті артып, жұмыссыз азаматтарды жұмыспен қамтыған кәсіпорындардың қатары көбейіп келеді. Мәселен, аудан бойынша шағын кәсіпкерлік субъектілері өткен жылдың осы кезеңімен салыстырғанда едәуір артқан.
Бүгінде Иассы ауылдық округінде жем өндіретін цехын іске қосып, алғашқы өнімін шығара бастаған. Нысанның ашылуы алдымен, ауданда мал шаруашылығының дамуына серпін берсе, келесі кезекте бәсекелестікке қабілетті жергілікті өнім нарық бағамын реттемек.
Аталмыш цехқа аудан әкімі Мақсат Таңғатаров пен ауданы әкімінің орынбасары Серік Садибаев арнайы барып, кәсіп иелерімен кездесті. Шағын цех тәулігіне 10-12 тонна өнім шығаруда. Әзірге цехта 3 адам жұмыс жасайды. Алдағы уақытта, жемге сұраныс артса, жұмысшы қатары көбейіп, цехтың өндіріс қуаты еселенбек.
