Бұл туралы ҚР Төтенше жағдайлар министрлігі Өнеркәсіптік қауіпсіздік комитетінің Түркістан облысы бойынша департамент басшысы Нұржан Ысқақов мәлімдеді.
Спикердің сөзінше, облыс аумағында департаменттің қадағалауында жалпы саны 9 271 қауіпті өндірістік объектілерді пайдаланатын 499 жеке кәсіпкерлік мекеме бар. Одан бөлек, департамент 6 өнеркәсіп саласы мен 9 қызмет түрлерінің қауіпті өндірістік аймақтарына бақылау, қадағалау жұмыстарын жүргізеді.
-Өткен жылдың қорытындысымен департамент 42 профилактикалық бақылау жүргізді. Жоспардан тыс 8 тексеру жұмыстары қолға алынды. Бақылау барысында жалпы 1 482 мекеме тексерілген. Оның ішінде 1 054 орында талаптар сақталмаған. Бақылау және қадағалау барысында есептік кезеңде 5 әкімшілік іс өндірісі қозғалып, үш заңды тұлғаға 396 750 теңге айыппұл салынып толығымен өндірілді. Департаменттің негізгі функцияларының бірі — мемлекеттік қызметтерді көрсету. Осы ретте 2023 жылы барлығы 701 қызмет көрсетілді,- деді басқарма басшысы.
Сонымен қатар, профилактикалық бақылау жүргізу кезінде 7 бірлік қауіпті техникалық құрылғылар тоқтатылып, сотқа талап-арыз жолданған. Бұдан бөлек, қауіпті өндірістік объектілерді техникалық қайта жарақтандыру жөніндегі жиынтық жоспарға сәйкес, 155 техникалық құрылғылар ауыстырылды.
