Бүгін Арыс қаласы әкімдігінің үлкен мәжіліс залында Ауыл шаруашылығы тауарын өндірушілер мен кәсіпкерлерге өсімдіктер карантині, өсімдіктерді қорғау, асыл тұқымды мал шаруашылығы саласы мен мемлекеттік қолдау бойынша субсидиялауға енгізілген өзгерістерді түсіндіру жұмыстарына көшпелі семинар-кеңес өтті.
Қала әкімінің орынбасары Алмаз Сұлтановтың төрағалығымен өткен жиында ҚР АШМ агроөнеркәсіптік кешендегі мемлекеттік инспекция комитетінің Түркістан облыстық аумақтық инспекция басшысының орынбасары Бектас Музаппаров, тиісті сала басшылары мен ауыл әкімдері, сала мамандары мен агроқұрылым төрағалары қатысты.
Жиында күн тәртібіндегі мәселелер бойынша баяндамалар оқылып, агроөнеркәсіптік кешенді реттеу мәселелері кеңінен талқыланды. Түркістан облыстық аумақтық инспекция басшысының орынбасары Б.Музаппаровқа қолданыстағы заңнамалардың нормаларын сақтауға бағытталған талаптарды кеңінен түсіндіріп өтті.
Әрі қарай, жиынға қатысушылар тарапынан баяндамашыларға сұрақтар қойылып, жан-жақты түсіндірме жұмыстары жүргізілді.
