Түркістан облысы, Бәйдібек ауданында «Кітап саяхаты – 2023» акциясы аясында «Шежірелі өлкеден – Рухани темірқазыққа шарасы жалғасты. Бәйдібек аудандық орталық кітапханасында өткен шараны Түркістан облыстық «Фараб» әмбебап ғылыми кітапханасының директоры Жанат Шардарбекова және Бәйдібек аудандық мәдениет тілдерді дамыту, дене шынықтыру және спорт бөлімінің басшысы Ерғали Есмырзаев, айтыскер ақын Біржан Байтуов, ақын Әлімжан Әлішер ашып берді.
Іс-шарада арнайы жасақталған көрме инсталляциялар таныстырылып, мәдениет үйінің өнерпаздарының концерттік бағдарламасымен жалғасты. «Кейіпкерлер шеруі» айдарында «Бәйдібек би мен Домалақ ана» сахналық қойылымы ұсынылды. Кеш қонақтары – айтыскер ақын Біржан Байтуов пен жас ақын Әлімжан Әлішер, содан соң ауданның ақ жаулықты әжелері сөз сөйлеп, жиналған көпшілікке ізгі тілегін арнады.
Айта кетейік, акция аясында бәйдібектік кітапханашылар «Фараб» кітапханасының қорына 200 кітап тарту етті.
