Түркістан облысы мәдениет және туризм басқармасы «Оңтүстікфильм» мекемесі бірнеше аудан, қалада кинокөрсетілім өткізді. Атап айтқанда, Мақтаарал, Қазығұрт, Төлеби, Түлкібас, Сайрам аудандары мен Жетісай және Арыс қалаларында өткен балалар кино көрсетілімі көпшілік көңілінен шыға білді.
«Ұлттық кино» жобасы аясында отандық көркем және анимациялық фильмдерді насихаттау мақсатында өткізілген шарада Түркістанда өткен Халықаралық «Алтын сақа» анимациялық фильмдер фестивалінде жеңімпаз атанған жергілікті «САҚ» киностудиясынның туындылары ұсынылды.
Айта кетейік, кинокөрсетілім апталығы алдағы уақытта облыстың өзге де аудан, аймақтарында жалғасын табады.
