Шардара ауданында 25-қазан Республика күні мерекесіне орай салтанатты жиын өтті. Жиын басында ҚР мемлекеттік Әнұраны орындалды. Салтанатты шараға аудан әкімінің міндетін атқарушы Н.Сапаров қатысып, тұрғындары мен қонақтарды Республика күні мерекесімен құттықтады.
—Сіздерді 25 қазан – Республика күні мерекесімен шын жүректен құттықтаймын!
Республика күні Жоғарғы Кеңестің Қазақстанның мемлекеттік егемендігі туралы декларацияны қабылдаған күні, яғни 1990 жылғы 25 қазан күнімен байланысты. Бұл Декларацияның айрықша рөлі – Қазақстан алғаш рет өзіндік дүниетанымы, салт-дәстүрлері, сондай-ақ болашағының пайымдауы бар бірегей аумақтық субъект ретінде жариялануында болып отыр.
2022 жылғы 16 маусымда Ұлытауда өткен Ұлттық құрылтайдың бірінші отырысында Қазақстан Республикасының Президенті Қасым-Жомарт Кемелұлы Тоқаев Республика күні мәртебесін қайта қалпына келтіруді және оны 25 қазанда Ұлттық мереке ретінде атап өтуді ұсынды. Сондай-ақ, Мемлекет басшысы: «1990 жылғы 25 қазанда Қазақстанның Мемлекеттік егемендік туралы декларациясы қабылданды. Бұл еліміздің тәуелсіздігіне жасалған алғашқы қадам болды. Республика күні еліміздің мемлекеттілікке бағытталған тарихи қадамының символына айналуы тиіс» – атап өткен болатын.
2009 жылға дейін ұлттық және мемлекеттік мереке ретінде бүкіл халықпен аталып, қоғамдық қолдауға ие болған Республика күні Қазақстанның жаңа тарихында еліміздің басты мерекелерінің бірі болып қайта оралды.
Саяси үдерістер мен жаңа кезеңге бет алған Қазақстанның келешегі ел бірлігінде, ұлттар татулығында жатыр.
Құрметті жерлестер! Республика күні келешекке бағыт алған Жаңа Қазақстан үшін маңызды күн. Біз еркіндігімізді әрқашан мақтан тұтып, қастерлей білуге тиістіміз.- деді Н.Нартайұлы.
Құттықтау сөзден соң ауданның әлеуметтік-экономикалық дамуына үлес қосқан бірқатар азаматтарға аудан әкімінің атыган мерекелік Алғыс хаттар табыстады.
Шара барысында аудандық мәдениет үйінің әншілері әннен шашу шашып, мерекелік жиынның көркін қыздырды.
Мереке күні Мемлекеттік туды көтеру рәсімі өтті.
Ту көтеру шарасына Шардара ауданы әкімінің міндетін атқарушы Н.Сапаров, аудан әкімінің орынбасары Б.Шомпиев, қала әкімі О.Айдосов және ардагер ақсақалдар мен аудан тұрғындары қатысты.
Шарада Н.Сапаров сөз сөйледі:
«25-қазан Республика күні құтты болсын. Еліміздің болашағы жарқын, керегесі бекем болғай. Мемлекет басшысы Қасым-Жомарт Кемелұлы Тоқаев: «Республика күні – елдің мемлекет құру жолындағы тарихи қадамының символы болуы керек», – деп атап көрсетті.
Әлемдік тарих толқынында өзін Тәуелсіз Ел ретінде орнықтырғаннан бергі уақытта татулықты ту еткен бейбіт халқымыздың бағындырған белестері, әлемнің озық елдерінің қатарына ұмтылған мемлекетіміздің жеткен жетістіктері мол.Мерейлі мереке сәтінде сіздерге еселі еңбектеріңіз үшін ризашылығымды білдіре отырып, отбасыларыңызға амандық пен бақ-береке, кемел келешек жолындағы қызметтеріңізге табыс тілеймін.» — деді.
Мерекеде өнерпаздар әсем әуеннен шашу шашып, патриоттық әндер орындады.
ЕГЕМЕНДІККЕ ЖОЛ САЛҒАН КҮН
Шардаралықты аудан әкімі Қайрат Жолдыбай мерекелірмен құттықтады:
«Құрметті шардаралықтар! Баршаңызды тәуелсіз еліміздің Ұлттық мерекесі – Республика күнімен шын жүректен құттықтаймын!
Мемлекет басшысы Қасым-Жомарт Кемелұлы Тоқаев: «Республика күні – елдің мемлекет құру жолындағы тарихи қадамының символы болуы керек», – деп атап көрсетті.
Әлемдік тарих толқынында өзін Тәуелсіз Ел ретінде орнықтырғаннан бергі уақытта татулықты ту еткен бейбіт халқымыздың бағындырған белестері, әлемнің озық елдерінің қатарына ұмтылған мемлекетіміздің жеткен жетістіктері мол.
Қоғамдық келісім мен бірлік еліміздің қарқынды дамуына, сол арқылы халықтың тұрмысы мен әл-ауқатын арттыруға мүмкіндік беріп отыр. Шардара ауданында да атқарылған ауқымды істер мен жүзеге асырылған жобалар баршылық. Оларда әрбір азаматтың еселі еңбегі, лайықты үлесі бар.
Мерейлі мереке сәтінде сіздерге еселі еңбектеріңіз үшін ризашылығымды білдіре отырып, отбасыларыңызға амандық пен бақ-береке, кемел келешек жолындағы қызметтеріңізге табыс тілеймін.
Мемлекетіміздің мерейі үстем, тәуелсіздігіміз тұғырлы болсын!», делінген құттықтауда.
