«Ұлы Жібек жолы бойындағы тарихи-мәдени орындардың туристік әлеуеті және болашақ мүмкіндіктері» тақырыбындағы конференция барысында Қарағанды облыстық тарихи-өлкетану музейі тарапынан «Сарыарқа – Ұлы дала өркениетінің алтын бесігі» тақырыбында көрме ашылды.
Көрменің мақсаты: қазақ халқының материалдық және рухани мұрасын таныту, тамыры терең тарихымен, тұғыры биік тұлғаларын дәріптеу, облыстар арасындағы мәдени байланыстарды нығайту, Орталық Қазақстанның бай материалдық және рухани мұрасымен таныстыру.
Көрмені Отырар ауданы әкімінің м.у.а. Ержан Оралбай, Қарағанды облыстық тарихи-өлкетану музейі директоры Ержан Нұрмағамбетов, «Отырар» мемлекеттік археологиялық музей-қорығы» РМҚК-ның директоры м.а. Жангелді Махашов лента қию рәсімінде құттықтау сөз сөйлеп, салтанатты түрде ашып берді.
«Сарыарқа – Ұлы дала өркениетінің алтын бесігі» көрмесі VІI бөлімнен тұрады:
I бөлім «Алтын адам және Қарағанды облысының археологиялық ескерткіштері»;
II бөлім «Сарыарқаның қасиетті жерлері»;
III бөлім«Арқа жерінің этнографиясы»;
IV бөлім «Қоянды жәрмеңкесі»;
V бөлім «Болған ана» 2 Болған ана;
VI «Арқаның ардақты азаматтары»;
VIІ бөлім «Кеншілер қаласы».
Қарағанды облысы – Қазақстанның тарихи орталығы болып табылады. Оның аумағында Қазақ хандығының кезеңіндегі ұлы жерлердің бірі – Ұлытау, ежелгі металлургиялық кешен – Алат қонысы, «Қазақстан пирамидасы» – Қаражартас кесенелері орналасқан.
Қарағанды облысы ежелгі Жібек жолының солтүстік тармағы өз аумағы арқылы өтетіндігімен танымал. Тарихи жағынан, бұл аймақ Қазақстан мен басқа елдер арасындағы сауда артериясы, экономикалық және мәдени алмасу арнасы болды.
Отырар ауданы, Талапты ауылы, Сапар орталығы ғимаратында орналасқан көрме 2023 жылғы 27 қазаннан 17 қарашаға дейін жалғасатын болады.
