Төлеби ауданы Ленгір қалалық балалар саз мектебінің домбыра сыныбының мұғалімі Ерлан Жолдас Мемлекет басшысы қатысқан концертте өнер көрсетті. Аталмыш шара 25 қазан – Республика күніне орай Астана қаласындағы опера және балет театрында өтті.
Аталған концертте Ерлан Жолдас әйгілі күйші-домбырашы, Қазақстанның Халық әртісі Айгүл Үлкенбаева екеуі жас домбырашылармен бірге бір сахнада өнер көрсетті. Төлебилік ұстазды Қазақстан Республикасы Мәдениет және ақпарат министрлігінің «Қазақ әуендері» акционерлік қоғамы арнайы шақырған. Ол өнерпаздармен бірге қазақ композиторларының танымал күйлерін нақышына келтіріп орындап, көрерменді домбырада ойнау шеберлігімен тамсандырды.
