ТҮЛКІБАС: КЕМЕРБАСТАУ АУЫЛЫНЫҢ ТОЗЫҒЫ ЖЕТКЕН КӨШЕЛЕРІН ЖӨНДЕУ ЖҰМЫСТАРЫ ЖОСПАРЛАНУДА

ТҮРКІСТАН: ТӨЛЕБИДЕ БАЛАЛАРДЫ ЖЫЛ 12 АЙ САУЫҚТЫРУДАН ӨТКІЗЕТІН ЛАГЕРЬ АШЫЛДЫ

МАҚТААРАЛДА БИЫЛ «КЕЛЕШЕК МЕКТЕПТЕРІ» ЖОБАСЫ АЯСЫНДА 1500 ОРЫНДЫҚ МЕКТЕП ПАЙДАЛАНУҒА БЕРІЛЕДІ

Түлкібас ауданы, Кемербастау ауылы тұрғындарының көкейінде жүрген бұл мәселе келесі жылы өз шешімін табады деп күтілуде. Биыл аталған округ орталығының жөндеуді қажет ететін көшелерінің қажетті сметалық құжаттары дайындалып, соңғы заңнамалық талаптарға сай тиісті сараптама қорытындысын алу жұмыстары жүргізілуде.

Бұл туралы бүгін аудан әкімі Нұржан Ізтілеуов Кемербастау ауылдық округі тұрғындарының алдында берген есептік кездесуінде мәлімдеді.

Басым бөлігі сұрақ-жауап форматында ұласқан дәстүрлі жиында округ тұрғындары медицина, білім, мәдениет, ауыл шаруашылығы, жол саласы мен газ тартылмаған жаңа көшелерге газ құбырын тарту, ескірген электр бағаналарын ауыстыру, электр қуаттылығын арттыру және ауыз су, ағын су, қаңғыбас иттерге қатысты мәселелерді көтерді.

Аудан басшысы әр мәселеге жеке-жеке тоқталып, тез арада шешуге болатын мәселені уақыт жоғалтпай орындауға сол жерде жауапты мекеме басшысына тапсырып, ал уақыт пен қомақты қаржыны талап ететін мәселенің тиісті құжаттарын дайындауды жүктеді.

Өздеріңізге белгілі ауданымызға қарасты Састөбе, Түлкібас кенті мен Майтөбе ауылының тұрғындары тарапынан аталған елді мекендердегі аурухана жұмысын тәуліктік стационардан күндізгі стационарға ауыстыруға қарсылық білдірген болатын. Аталған мәселені тұрғындардың өтініші негізінде оңтайлы шешу мақсатында бүгін аудан әкімі Н.Ізтілеуов, облыстық денсаулық сақтау басқармасының басшысы А.Байдуалиев, аудандық мәслихаттың хатшысы Х.Байысбаев, аудандық прокуратураның аға прокуроры З.Юсупов, аудандық аурухананың бас дәрігері Ж.Тоғайбекова, ауыл,кент әкімдірі мен мәслихат депутаттары жергілікті тұрғындармен кездесіп, түсіндіру жұмыстарын жүргізді. Нәтижесінде облыстық денсаулық сақтау басқармасы басшысының бұйрығы тоқтатылып, үш елді мекендегі аурухана қалыпты режимде өз жұмыстарын жалғастыратын болды.