Келес ауданының Біртілек ауылдық округінің орталығы Біртілек ауылынан мәднеиет үйінің құрылысы жүреді. Бүгінгі таңда мәдениет үйінің құрылысына 0,51 га жер телімі қарастырылып, сараптама қорытындысы алынды. Түркістан облыстық құрылыс-сәулет және қала құрылысы басқармасына қаржы қарауға ұсынылды. Бұл туралы Келес ауданының әкімі Жәнібек Ағыбаев Біртілек ауылдық округінің тұрғындарымен кездесуінде атап өтті.
Біртілек ауылдық округінің құрамына 12 ауыл кіріп, бүгінде тұрғындарды сапалы инфрақұрылыммен қамту жұмыстары атқарылуда. Атап айтқанда, облыстық маңызы бар КХ-22 «Ошақты-Амангелді-Жолбасшы-Оразата» автомобиль жолының Жолбасшы елді мекені аумағына аяқжол және көше жарық шамдарын орнату бойынша Түркістан облысының жолаушылар көлігі және автомобиль жолдары басқармасына ұсыныс берілсе, тазалық бойынша Жолбасшы елді мекеніне әр аптаның сәрсенбі күніне «Келес қызмет» мекемесі тарапынан техника қойылып, елді мекендегі күл-қоқыстарын алып кету жұмыстары жолға қойылған. Біртілектегі елді мекендердің ішкі көшелерін жөндеу жұмыстары да қарқынды іске асуда. Жалпы округтің ішкі жолдарына асфальт төсеп, орта жөндеуден өткізуге 12 көшеге жоспарланған болатын. Қазіргі таңда, соның ішінде 5 көшеге, атап айтқанда, Ақбидай, Құрылыс, Наурыз, Қызғалдақ, Гуржи оглы көшелеріне толығымен шағал тас төселінді. Сонымен қатар, Амангелді ауылындағы Тұран көшесін асфальттауға сараптаманың оң қорытындысын алу үшін облыстық «Ұлттық жол активтер» орталығына сараптамаға ұсынылып, жалпы ұзындығы 3,3 шақырымға оң қорытынды берілді.
Тұрғындар көтерген мәселенің бірі ауыз су құдықтарының қақпақшаларын ауыстыру мәселесі болатын. Бүгінде 80 дана құдықтың қақпары орнатылып, Амангелді елді мекеніндегі Ұйымшыл көшесіндегі 70 үйдің тозығы жеткен электр желілері мен бағаналары ауыстырылуда. Сонымен қатар, ауылдық округі аумағынан өтетін Тартулы каналының 10 шақырымы қазан айында механикалық тазалаудан өткізілмек.
Біртілектегі кездесу барысында аудан басшысы Жәнібек Есенұлы тұрғындар көтерген мәселелердің шешілу бағытындағы жұмыстарды баяндап, сұрақтарға жауап берді. Сол мәселелерді шешу бойыша арнайы іс-шара жоспары істеліп, жүйелі жұмыстар жүргізілетін айтты.
