Бәйдібек ауданы Ағыбет ауылында ұлттық спорт түрлерінен дүбірлі дода өтті. Саятшылық, құмай тазы жарысы, көкпар ұлттық спорт ойындарына облысымыздың аудан-қалаларынан келген спортшылар қатысып бақ сынады.Бұл іс-шараны өткізудегі негізгі мақсат — қазақтың ұлттық спорт түрлерін кеңінен насихаттау.
Қаратаудың баурайында кең көлемде өткен дүбірлі доданы Украинадан арнайы түсірілім тобымен келген «Орел и решка» бағдарламасы бейнетаспаға түсірді. Айта кетейік, аталған бағдарлама әлем елдерінің мәдениетін зерттеп, миллиондаған көрерменге ұсынатын бірегей жоба. Алдағы уақытта ата-бабамыздан мирас болып келе жатқан саятшылық, құмай тазы, көкпар додасын бүкіл әлемдегі көрермен тамашалайтын болады.
Аталмыш бағдарлама Қазақстанның барлық аймағындағы көрікті жерлерді түсіріп, туризм саласының дамуына мол үлес қоспақ.
