Қ.Жандарбеков атындағы Жетісай драма театрында «Тастамашы анашым!» атты қойылымның премьерасы өтті.
Башқұрт журналисі әрі жазушысы Айгиз Баймухаметовтің драмасында басты кейіпкер Ілиястың арманы – университетке оқуға түсу. Алайда жетім Ілияс өзі қатарлы тағдырластардың да, тәрбиешілердің де қатыгездігін басынан кешеді. Сонда да ол арманынан айнымайды. Адамды арман әрдайым алға жетелейтінін пьеса көрермен көңіліне көркем түрде жеткізе білген.Шынайы оқиға желісімен құрылған қойылымның қоюшы режиссері – Аридаш Оспанбаева, музыкалық режиссері – Асылбай Тәжен.
Жаңа қойылымнан әсер алған жетісайлық театрсүйер қауымның ықыласы ерек. Қойылымнан соң премьераға келушілер шығармашылық топқа алғыстарын білдірді.
