1-қазан – Халықаралық қарттар күніне орай, Шардара ауданының әкімі Қайрат Жолдыбай және аудандық ардагерлер кеңесінің төрағасы Тоқсанбай Бердібеков ғасырмен құрдас қарттарды құттықтап шықты.
Сондай-ақ, аудандық мәдениет үйінде мерекеге орай салтанатты шара ұйымдастырылып, аудан басшысы қатысты.
— Сіздерді 1-қазан Халықаралық қарттар күні меркесімен шын жүректен құттықтаймын.
Біріккен Ұлттар Бас Ассамблеясы 1990 жылғы 45-сессиясында 1-қазанды Халықаралық қарттар күні деп жариялады. Міне осы күннен бастап бұл мереке кең көлемде атап өтілуде.
Сіздер кейінгі ұрпақты ізгілік пен мейірбандылыққа, Отанымызға адал қызмет етуге, айналадағы адамдардың өмірге, қоғамға деген оң көзқарасын қалыптастыруға үйретіп келесіздер. Егемен еліміздің жарқын болашағына сеніммен қарауды, жақсы күндерді еселі еңбегімізбен жақындатуды біз Сіздерден үйреніп келеміз.
«Қарты бар елдің қазынасы бар» дейді халқымызда. Ел мүддесін бәрінен биік қойып, ұрпағына ұлылығын ұялата білген ардагерлерімізді құрметтеу – азаматтық парызымыз. Сіздердің жүріп өткен жолдарыңыз, абыройлы еңбектеріңіз – жас ұрпақ үшін әрдайым үлгі-өнеге.
Жарқын болашақ, кемелді келешек үшін қажымай еңбек еткен қарттарымызға деген құрмет пен ізгі ниетіміз әрдайым ерекше. Әрқашан да арамызда ақылшы, кеңесші бола жүріп, елді бірлікке, ынтымаққа шақырып, үлгі — өнеге көрсете береді деп сенемін!
Сіздерді тағы да төл мерекелеріңізбен құттықтай отырып, дендеріңізге саулық, отбасыларыңызға бақыт, берекелі де ұзақ ғұмыр тілеймін! — деді Қ.Жолдыбай.
Сонымен қатар шара барысында ауданның әлеуметтік-экономикалық дамуына үлес қосқан ардагерлер, ақсақалдар мен аналар аудан әкімінің, мәслихат хатшысының және аудандық ардагерлер кеңесі төрағасының Алғыс хаттары мен бағалы сыйлықтарына ие болды.
Айта кетсек, Қалмырза Бәкір, Қыстау Ілесов, Ұлдықыз Зейнеделова, Төлбасы Бектасов, Мергенбай Сламбек, Орал Бердалыұлы, Жамал Төлешова, Ұлбасар Бекболатқызы, Тәңірберді Ағманұлы, Абубскир Ақманұлы, Құттыбай Серманизов, Жаңылай Айдарова, Жарылқасын Муталиева, Байдулла Рахматуллаев, Дүйскенкүл Дауренова, Мырзатай Әмзеұлы, Биту Жанайдар, Ибрагим Нұрғали,
Әлеменов Түймебай, Мұсахан Мархабаев, Гүлзағира Даулетқызы, Серікбаев Оралбай, Мырзазан Тұрғынбаев, Жамилия Сарсенбаева, Қылыш Сатбаев, Тілеген Сражиддин, Әбдіш Төреұлы, Анар Мошқалова, Қалыбай Қадиров, Дүйсен Ілесов, Есенбек Қақанұлы, Серікбай Ердосов, Кінәзбек Күнжігітов, Жантөре Спабек, Балтабай Сартжаев, Садық Ерманов, Серік Досұлы, Әлібай Пайызов,
Егембербі Дүйсенов, Жаңабай Сейдуллаев, Даурен Үзденбаев, Жеңіс Барболов, Жаңабай Жамантай, Құрбан Ештаев, Алшыораз Сариев, Тажиев Ибрагиұлы, Қуан Сейсен, Түгелқос Жаманқұлов, Даулет Базаров, Есенкүл Нұртаева, Мұрат Нұрпейісов, Аман Жора, Аман Жахан, Жұмабай Есимов, Есенбек Смайлов, Орман Шамшиев, Күлпан Ерімбетова, Орынтұр Дүйсенбиев, Омар Махан, Анатолий Таламицов, Зеркүл Қалдарбекова, Жаңыл Қарабекова, Боранбай Жиренбаев, Айтқали Тажиев, Анаурбек Нысанов сынды Шардара ауданына еңбегі сіңген ардагер қариялар марапатталды.
Шарада мерекелік әннен шашу шашылып, қарттарға ерекше құрмет көрсетілді.
