Кентау қаласының әкімі Жандос Тасов қаладағы Индустриалды аймаққа барып, жұмыс барысын бақылады. Аталмыш аймақта орын алған бірқатар келеңсіз жағдайларды анықтаған қала басшысы, сала басшыларына қалыпқа келтіру бойынша тапсырмалар берді.
Бүгінгі таңда, Индустриалды аймақта жалпы құны 3,8 млрд.теңге және 270 жұмыс орнымен қамту мүмкіншілігі бар 11 жоба орналасқан. Олар: «ЮгЭлектроПривод» ЖШС, «ЭлектроДеталь» ЖШС, ЖК «Ауэзов», «Бесқасқа» ЖШС, ЖК «Таженов», «Сим-Тас» ЖШС, «МЖ-Алихан» ЖШС, «Bereke Құрылыс Сервис» ЖШС, «Data Farming» ЖК, «Халтаев» ЖК, «Кентау аспап құралдар цехы» ЖК .
Олар, 10 га жер аумағын алып жатыр, бос учаскелер 29 гектарды құрайды.
2023 жылы индустриалды аймаққа жаңадан 2 жобаны енгізу жұмыстары жүргізілді. Олар: «Халтаев» ЖК, «Кентау аспап құралдар цехы» ЖК.
Кентау Индустриалды аймаққа өз кәсібін жүргіземін деген кез-келген инвесторларға мүмкіншіліктер жасалынған. Атап айтқанда: жер телімін кәсібіне қарай бөліп беру, ауыз су құны 1м3 — 74,5 теңге, электр қуаты 1кВт – 16 теңге (50 пайыз төмендетілген), ІІІ — категориялы асфальт жолы, Жалпы қолданыстағы темір жол тораптарына жақын орналасқан. «Батыс Еуропа-Батыс Қытай» халықаралық көлік дәлізіне 28 шақырым жақын.
