2023 жылдың 7 айында атаулы әлеуметтік көмек тағайындалған 26 495 мүшесі бар 4 408 отбасының 4102-сі шартты, ал, 306-сы шартсыз түрде алғандар. 2022 жылдан бастап атаулы әлеуметтік көмек алушылардың қаржысы «Азаматтарға арналған үкімет» мемлекеттік корпорациясы» коммерциялық емес акционерлік қоғамы арқылы төленуде.
Бұл жайында Жетісай аудандық жұмыспен қамту және әлеуметтік бағдарламалар бөлімінің басшысы Нұрлан Райымбековпен өткен баспасөз мәслихатында айтылды.
Сонымен қатар, жыл басынан бергі 7 айда атаулы әлеуметтік көмек алушы отбасылардың 1 және 6 жасты қоса алғанда 7 781 балаға қосымша қаржы, 167 отбасыға тұрғын үй көмегі көрсетілген.
Одан бөлек 252 жалғызбасты еңбекке жарамсыз қарттар мен мүгедектігі бар азаматтарға, 310 мүгедектігі бар балаларға және 18 жастан асқан психоневрологиялық ауытқуы бар 134 азаматқа Қазақстан Республикасы Денсаулық сақтау және әлеуметтік даму министрінің 2015 жылғы 26 наурыздағы №165 бұйрығымен бекітілген «Халықты әлеуметтік қорғау саласында үйде қызмет көрсету жағдайында арнаулы әлеуметтік қызмет көрсету» стандарты негізінде әлеуметтік қызметтер көрсетіліп келеді.
Бөлім басшысының мәліметінше 6 айда бөлім жанынан ашылған «Мейірім-Шапағат» қайырымдылық дүкені арқылы әлеуметтік қолдауды қажет ететін 1489 отбасыға киім-кешек, 67 отбасы мүшелеріне аяқ-киім және 50 отбасы азық-түліктер берілген.
Жыл басынан бері «Қамқорлық» бағдарламасы аясында 1 отбасыға баспана берілсе, 130 отбасыға 10 млн теңге көлемінде демеушілер есебінен түрлі көмектер көрсетілген.
Сондай-ақ, жергілікті қазынадан қаралған қаржы есебінен іске қосылған әлеуметтік такси ҰОС ардагерлері мен мүгедектігі бар азаматтарға, жүріп-тұруы қиын мүгедек балаларға, І, ІІ топтағы мүгедектігі бар азаматтарға емдеу мекемелеріне және қоғамдық орындарға тасымалдау қызметін көрсетеді. Жыл басынан бері 7 әлеуметтік автокөлігі мен диспетчерлік кезекші мамандары, медициналық дәрігері бар орталықтың қызметін 92 ересек пен 34 кәмелет жасқа толмаған мүгедектігі бар азаматтар пайдаланған.
Баспасөз мәслихаты соңында Нұрлан Кеттешұлы жергілікті БАҚ өкілдері тарапынаг қойылған сұрақтарға жауап беріп, ұсыныс-пікірлерін тыңдады.
