Созақ ауданында еңбекке, кәсіпкерлікке, білім мен ғылымға бейім жас азаматтарымызды қолдау мақсатында аудандық «Жастар ресурстық орталығы» КММ-нің ұйымдастыруымен мемлекеттік бағдарламалар бойынша үгіт-насихат жұмыстары жалғасуда.
Барлық ауыл, кент округтерде базарларды, көшелер мен аулаларды, тіпті үй-үйді аралап, мемлекет тарапынан жүргізіліп жатқан ұтымды жобалардың қыр-сырын бұқаралық тілде түсіндіріп, ақпарат жеткізуде.
Түсіндіру жұмыстары кезінде «Алғашқы жұмыс орны», «Жастар практикасы», «Қоғамдық жұмыс», «Әлеуметтік жұмыс орны», «Бастау Бизнес», «Дипломмен –ауылға» сынды мемлекеттік бағдарламалар мен қоса 2,5 пайыздық жеңілдетілген несие туралы барлық мәліметтер жеткізіліп, жадынама парақтары таратылуда.
Айта кетейік, мемлекеттік бағдарламалар бойынша кездесулер мен насихаттау жұмыстары жылдың соңына дейін жалғаспақ.
