Бәйдібек ауданы Жамбыл ауылдық мәдениет үйінде аудандық ардагерлер кеңесі мен әжелер алқасы біріге отырып танымдық, тағылымдық кеш өткізді.
Жамбыл ауылдық ардагерлер кеңесінің төрағасы Әбдіхалық Ағабеков ауылдық ардагерлер кеңесінің ауыл әкімдігімен бірлесе атқарған жұмыстарының есебін берді. Жамбыл ауылдық округіне қарасты бес елді мекен Жамбыл, Шыбыт, Жүзімдік, Тасқұдық Қызылжарда барлығы 253 зейнеткер бар екен. Соның ішінде 5 — жалғыз басты ана, 8 — тыл ардагері, 2 — соғыс ардагері, 1 — Семей полигонынан зардап шеккен жан, 10 — Батыр ана, 45 — алтын алқа иегерлері және 81 — күміс алқа иегерлері есепте тұрады. «Қарты бар үйдің — қазынасы бар» деген халқымыз. «Қариясы бар үйдің – құты бар» дейді ауылдық ардагерлер кеңесін басқарып отырған Әбдіхалық ағамыз.
Міне, осынау қазыналы қарттармен жұмыс істеуде төрағаға көп міндеттер жүктелген. Ардагерлердің жағдайы, тұрмысы, олардың талап-тілектерін орындауда ауылдарда көп тірліктер атқарылуы тиіс. Аудан ардагерлер кеңесінің төрағасы Бағдат Қалаубай ауыл қариялары барлық тірлікте ауыл әкімін алға сала отырып бітіретінін айтып өтті.
«Бірлік бар жерде – тірлік бар» деген осы. Жамбыл ауылдық ардагерлер кеңесі күнделікті күйбең тірлікпен ғана шектеліп қалмай ауылға қатысты жұмыстарға да араласып отырған. Атап айтқанда «Ауыл – ел бесігі» бағдарламасының орындалуына көңіл бөлген.
Жамбыл-Шаян бағытындағы облыстың (ұзындығы 15,1 шақырым) маңызы бар КХ4 автомобиль жолының сапалы жөнделуін назарда ұстаған. Шыбыт елді мекенінен фелдшерлік-акушерлік пункт салу жөнінде ұсыныс жасаған. Жүзімдіктегі каналды механикалық тазалаудан өткізу жөнінде тиісті орындарды хабардар еткен.
Ең бастысы осы төрт ұсыныстың үшеуі шешімін тауып, біреуі келесі жылға жоспарланыпты. Жамбыл ауылдық ардагерлер кеңесінде жұмыстың жүріп жатқанын осыдан-ақ аңғаруға болады.
Елдің жайын шешуде Балқыбек Жамалбеков, Сүннетулла Абдуллаев, Жылқайдар Амизов, Жайлаубай Сәрсенбаев, Адил Абдраймов, Қараби Батыров, Түймебек Сәрсенбекұлы, Сейдулла Тұрлыбеков, Совет Бейсенбиев тағы да басқа бұлардан бөлек көптеген ауыл аналары қоғамдық жұмыстан қол үзбей келеді екен. Көптеген іс-шаралар өткізген. Қариялар Түркістанға сапарлап келген.
Ауыл ағасының сөзін аудандық ардагерлер кеңесінің төрағасы Бағдат Қалаубай жалғастырды. Іске асыруға тиіс кейбір жұмыстарды ауыл төрағасына міндеттеп берді. Партия ардагері Тұрсынәлі Қырғызәліұлы мен аудандық «Аlǵabas» газетінің редакторы Абзал Әлішерұлы және аудандық мәслихаттың депутаты Шыныбек Балқыбекұлы сөз сөйледі.
Иә, ардагерлер ұйымының құрылғанына биыл 36 жыл болса, әжелер алқасының құрылғанына 10 жыл толып отыр.
Аудандық әжелер алқасының төрайымы Әтір Әлиева ауданда әжелер тарапынан атқарылған жұмыстарды баяндап берді. Жамбыл ауылдық әжелер алқасының жұмысын жоғары бағалады. Жамбыл ауылдық әжелер алқасының төрайымы Марина Маликова осынау іс-шараға халқымыздың «тұсау кесер» дәстүрін көрсетуде. Әтір Әлиева сахнада Бақытжан Алматтың тұсауын кесті. Әжелер алқасы концерттік бағдарлама да дайындапты.
Кеш әжелер төрайымы Марина Маликова мен алқа мүшесі Жеңіс Дүмшебаевтың орындауындағы «Ана мен бала» әнімен қорытыланды.
А.МҰХАМЕДКӘРІМҚЫЗЫ.
