Бүгін облыс әкімінің 2023 жылғы 19 маусымдағы аппараттық жиында берген тапсырмасына сәйкес, Түркістан облысының аудан/қалалары бөлінісінде 2027 жылға дейін әлеуметтік-экономикалық даму стратегиясын әзірлеу мақсатында, аудан әкімі аппаратында конференция өтті.
Аудан әкімі Нұржан Ізтілеуов бірлескен мамандармен аудандық дербес бөлім басшылары басқосқан конференцияда ауданымыздың даму жоспарын талқылады. Аудан игілігі үшін түрлі саладағы мәселелерді дауысқа салып, нақты жоспарлар қаралды.
Басқосуда алдымен облыс әкімінің хаттамалық тапсырмаларының орындалу барысы талқыланып,оның орындалуын аудан басшысы тиісті орынбасарларына бақылауда ұстауды жүктеді. Күн тәртібіндегі екінші мәселе бойынша:
аудандық ішкі саясат бөлімінің басшысы Р.Алтынбеков әлеуметтік желілерде жарияланған сыни материалдар және көрнекі үгіт-насихат құралдарының қазіргі жағдайы туралы баяндады. Тұрғындар көтерген, негізгі мәселелерге жауапты басшылар дер кезінде нақты дәлел-дәйекпен жауап беруі міндеттеліп, кері байланыс орнату керектігін ескертті. Сондай-ақ, мемлекеттік маңызы бар ғимараттардың мемлекеттік рәміздерін ретке келтіру және ауылдық округтердің төлқұжаты, көше атаулары мен билбордтарды түзету бойынша бірқатар тапсырмалар берілді.
Сонымен қатар, мәжілісте аудандық ауылшаруашылығы және жер қатынастары бөлімінің басшысы Ж.Керімқұловтың “Ауыл аманаты” бағдарламасының орындалуы, аудандық төтенше жағдайлар бөлімінің басшысы Б.Азимбаевтың орман, дала өрттерімен күрес және олардың алдын алу және аудан әкімі аппаратының бөлімше басшысы Ф.Байтуғановтың елді-мекендерді абаттандыру бойынша атқарылып жатқан жұмыстардың барысы туралы баяндамалары тыңдалды. Баяндамалар бойынша сұрақтар қойылып, тиянақты жауаптар алынды.
Ауданның демографиялық өсімі артып келе жатқанын алға тартқан аудан басшысы Нұржан Жақсылықұлы аймақта өнеркесіп ошақтарын ашу мен халықты жұмыспен қамту сынды бірқатар мәселелер бойынша жауапты мамандармен дербес бөлім басшыларына жүйелі жұмыс атқаруды тапсырды.
