Бүгін Созақ ауданы әкімдігі ғимаратының үлкен мәжіліс залында халыққа 2023 жылдың 01 шілдесінен бастап күшіне енетін Қазақстан Республикасының «Әлеуметтік Кодексі» нормаларын түсіндіру мақсатында облыстық жұмыспен қамтуды үйлестіру және әлеуметтік бағдарламалар басқармасының бас маманы Ғалымбек Боранбек, Түркістан облысы бойынша «Мемлекеттік әлеуметтік сақтандыру қоры» АҚ филиалының маманы Талғат Маненбаев, Еңбек және әлеуметтік қорғау комитетінің Түркістан облысы бойынша департаментінің бас маманы Нұрбол Орынбаевтың қатысуымен жиын өтті.
Жиынды аудан әкімдігінің жұмыспен қамту және әлеуметтік бағдарламалар бөлімінің басшысы Дулат Байзақов ашып, жүргізіп отырды.
Аталған шарада арнайы келген жұмысшы топ күн тәртібіндегі 2023 жылдың 01 шілдесінен бастап күшіне енетін Қазақстан Республикасының «Әлеуметтік Кодексі» нормалары және осыған орай әлеуметтік төлемдердің жүргізілуі мен мемлекеттік әлеуметтік сақтандыру қоры арқылы төленетін әлеуметтік төлемдерге енгізілетін өзгерістер жайында хабарлады.
Онда жаңа Әлеуметтік Кодекстің артықшылықтары, қазіргі таңда жүзеге асырылып жатқан цифрлық карта жобасының жетістіктері туралы кеңінен талқыланды.
Мемлекеттің әлеуметтік осал топтарына баса назар аударылатынын, жаңадан күшіне енетін Әлеуметтік Кодексте заң бойынша нақты қадамдар жасалғанын жеткізді.
Аталған шараға ауыл, кент округ әкімдері, аудандық жұмыспен қамту бөлімі қызметкерлері мен аудан тұрғындары қатысты.
Аудан әкімдігінің жұмыспен қамту және әлеуметтік бағдарламалар бөлімінің басшысы Дулат Есалыұлы алдағы уақыта күн тәртібінде қаралған мәселелер бойынша тұрғындарға түсіндіру жұмыстары кеңінен жүргізілетінін айтып, жиынды қорытындылады.
