Гулдана Ертаева мемлекеттік қолдау аясында қыз жасауы кәсібін жүргізуде. 2021-2025 жылдарға арналған кәсіпкерлікті дамыту жөніндегі ұлттық жоба шеңберінде мемлекеттік грантты жеңіп алып, оған қажетті құрал жабдықтарды сатып алған.
Бұл кәсіпті бастауға түрткі болған, бала кездегі анасынан үйренген тәлімі. Мамандығы мұғалім бола тұра, тігіншілікке бет бұрып бір-екі көрпені тігуден бастайды. Тіпті тапсырыс ала бастаған көпбалалы ана мемлекеттің қолдауына жүгінеді.
Гулдана комиссияның оң шешімін алғаннан кейін, жалға жер үйден екі бөлме алып, қасына екі адамға жұмыс беріп кәсібін дамытты.Тігінші ана көбінесе қыздың артынан апаратын жасауларға тапсырыс көп түсетінін айтады.
«Табыстан бұрын тапсырыс берген тұтынушының ризашылығын алуды көздеймін. Қыз жасауы ұзатылған қыздың артынан алып баратын мүлкі болғандықтан жасауның мәні мен сәнін жасауда тапсырыс берген ата-ананың пікіріне мән беремін» дейді көпбалалы ана.
Кәсібі өрге домалаған Гүлданаға тек Кентау қаласынан ғана емес, Түркістан, Алматы, Астана, Жезғазған қалаларынан тапсырыстар түсуде. Жұмысын тиянақты, әрі заттарды көрікті етіп жасайтын көпбалалы анаға халықтың айтар алғысы шексіз.
Гүлдана Ертаева 4 қыз бен 1 ұл тәрбиелеп отқан жалғыз басты ана. Еңбектенуден шаршамайтын ол үнемі курстарға қатысып нарық заманына лайықты керекті білім алуда ізденіп тұрады.
