Мемлекет басшысы «Әділетті мемлекет. Біртұтас ұлт. Берекелі қоғам» атты Қазақстан халқына Жолдауында – келер жылы 100 мың жасты жұмысқа орналастыру. Қазіргі жұмыссыз жүрген жастарды кәсіппен баулып, жұмыспен қамту – ұлттың болашағына жасалып жатқан үлкен қадам. Сондай-ақ, Жолдауда Мемлекет басшысы қарапайым еңбек адамдарына құрмет көрсету туралы айтты.
Түркістан өңірінде кәсіптерін дөңгелетіп отырған еңбек адамдары аз емес, диқаншылықты кәсіп еткен еңбек адамдарының жұмысымен Кентау қаласының әкімі Жандос Тасов танысып қайтты.
Кентау қаласы Хантағы ауылындағы «Арқар» шаруақожалығында бірнеше кәсіптің түрі бар. Оның бірі форель балығын өсіру. Кәсіп иесі Дүйсенбек Қоспанбетов өзіне тиесілі 5 гектар жерінің бір бөлігін шаруашылыққа айналдырып, демалыс орнын дамытпақ ниетте. Арнайы бассейінге тасталған балықтардың шабақтары Тараз қаласынан тасмалдануда. Болашақта балықтың икрасын шет мемлекеттен алдырып, арнайы инкубаторда өндіруді жоспарлауда.
Сонымен қатар, шаруақожалықта құстың бірнеше түрі бар. Атап айтқан кекілі, қырғауыл, цесарка құстары. Бүгінгі таңда саны 500 ге жеткен құстардың еті түрлі емге пайдалы. Санын көбейтіп, етін сатуды жорпарлап отыр. Одан бөлек 30-дан аса асыл тұқымды ешкі өсірумен айналысуда. Қәзіргі таңда сүтін сатумен айналысып отырған кәсіп иесі, ешкі санын ұлғайтуды жоспарлап отыр. Болашақта асыл тұқымды ешкі сүтінен сүт өнімдерін жасауды жоспарлауда. Тіпті, қажетті техникаларын орнатып әзірлеуде.
Шаруақожалықтың тынысымен танысқан Кентау қаласының әкімі Жандос Тасов бірнеше кәсіпті игеріп, алға үлкен мақсат қойған шаруақожалыққа барынша мемлекеттік қолдау көрсетілу жағын қарастыруды тиісті сала басшыларына тапсырды.
«Шаруақожалықтан бөлек, болашақта қысы-жазы балық аулап демалатын орын салудамыз. Құрылысы аяқталуға жақын. Бір емес бірнеше отбасы келіп, демалып кетуге мүмкіндіктер жасаймыз. Балықтың санын, артырып, бассейіндердің көлемін ұлғайтуды да жоспарлап отырмыз», дейді кәсіп иесі.
Қала әкімі Хантағы ауылындағы «Ауыл-ел бесігі» бағдарламасы аясында атқарылып жатқан құрылыс жұмыстарын бақылады. Ауыл әкіміне құрылыстың сапалы жүргізілуін қадағалауын тапсырды.
Айта кетейік, «Ауыл – Ел бесігі» жобасы аясында Хантағы ауылының 3 көшесіне орташа жөндеу жұмыстары енгізілген. Қәзіргі таңда, ауылдағы Хантағы көшесінің 1,1 шақырымына асфальт төсеу жұмыстары жүргізілді. Қалған Үсенбаев, Н.Төреқұлов, Достық, Қаратау, Иманов көшелерінде нығыздау және тас төсеу жұмыстары жүргізілуде.
