Бүгін Кентау қаласының әкімі Жандос Тасов аналарға «Алтын алқа» және «Күміс алқа» төсбелгілерін табыстады.
«Халқымыздың демографиялық әлеуетін арттырып жатқандарыңызға алғыс білдіреміз. Ана бір қолымен бесік тербетсе, бір қолымен әлемді тербетеді деп бекер айтылмаса керек. Анадан батыр да, ақын да, данышпан да туады. Халқымыз бала тәрбиесіндегі ананың рөлін өте жоғары бағалаған. Еліміздің алтын діңгегі болып, ізгі дәстүрлер сабақтастығын жалғап жүре беріңіздер», — деген қала басшысы асыл аналарға алғысын білдірді.
Жыл сайын жеті және одан артық баланы дүниеге әкелген аналарға «Алтын алқа» наградасы, ал алты баланы дүниеге әкелген аналарымызға «Күміс алқа» беріледі.
Қалада жалпы 1547 көпбалалы ана бар. Батыр аналарымыздың 458-ы «Алтын», 1003-і «Күміс алқа» иегерлері. Сондай-ақ «Батыр ана» 30, «Ардақты ана» 1,2 дәрежелі 56 ана бар.
