Елімізде қазіргі уақытта зейнет жасындағы және мүгедектігі бар жандарға жасалатын қамқорлық аясы кеңейіп, олардың әлеуметтік хал-жағдайын жақсартуға жағдай жасалынып келеді.
Осы орайда аудан орталығында салауатты өмір салтын насихаттап, адам денсаулығына жіті көңіл бөлу, жарымжан жандарға қолжетімді жағдай жасау мақсатында былтыр шілде айында «Шапағат» әлеуметтік қызмет көрсету орталығы ашылған болатын.
Ордабасы ауданындағы «Тең қоғам» және «Ардагерлер орталығы» есепте тұратын 5478 мүгедектігі бар азаматармен 10 844-нан асатын зейнеткерге арнаулы қызметтер көрсетуде. Бүгінде «Шапағат» орталығы қариялар мен мүмкіндігі шектеулі жандарды қамқорлығына алып, қолайлы жағдай жасап жатқан орталыққа айналып отыр.
Сондай-ақ, елдімекендерден қатынайтын ардагерлердің саны артып келеді.
Осы мәселеге байланысты аудан әкімі Нұрбек Бадырақовтың тапсырмасымен жергілікті бюджеттен қаржы бөлініп, орталыққа арнайы қоғамдық көлік ұйымдастырылып, көлікпен қатынау ауданаралық 10 ауыл округтер бойынша тасымалданатын болады. Бүгінде ауылдардан және күнделікті келетін қарияларды қосқанда күнделікті 40-тан аса қарияға тиісті әлеуметтік қызметтер көрсетілуде. Қ
азіргі таңда орталыққа күнделікті ауыл округтерінен 25 азамат бекітілген кестеге сәйкес тегін тасымалдаумен қамтамасыз етілуде.
Айта кетсек, орталықта түрлі спорттық құрал-жабдықтар, тренажерлар мен велотренажерлар, инверсия үстелі, массаж аппараты, тұз шахтасы мен бильярд, теннис үстелі, шахмат, дойбы, кітапхана жабдықтары бар. Сонымен қатар, орталыққа келушілер массаж қабылдап, дәрігердің бақылауында болады.
