Аудан әкімі Нұрбек Бадырақов Бөржар ауыл округіне қарасты Қайнар ауылындағы “Қайнар құс фабрикасына” барды. Қазір фабрикада асыл тұқымды құс өсіріліп, құс етін өндірілуде.
Кәсіпорынның қуаттылығы жылына 6 мың тонна болса, өндірістік қуаттылығы 4 мың тоннаны құрайды. Нақты 42 адам тұрақты жұмыспен қамтылған.
Құс фабрикасы 2022 жылдың шілде айында «Аграрлық кредиттік корпорациясы» АҚ-нан 200 млн. теңге көлемінде айналым қаржы ретінде несие алған. Несиенің жылдық пайыздық мөлшерлемесі- 14%, оның ішінде — 10% мемлекеттік қолдау (субсидия) болып табылады.
Кәсіпорын 2022 жылы тамыз-қыркүйек айларында Түркия мемлекетінен 230 400 дана «Росс-308» тұқымының жұмыртқасын сатып алып, жалпы тірідей салмақта-452,4 тонна құс етін өндірген.
Өз кезегінде аудан әкімі фабрика басшылығына аудан тұрғындарын жұмыспен қамтып, ауданның әлеуетін арттырудағы үлестеріне алғысын білдірді. Сондай-ақ несиелендіру және т.б. мәселелер бойынша заңға сәйкес тиісті көмек көрсетуге әзір екендігін жеткізді.
Аудан әкімінің баспасөз қызметі
