Шымкентте «GraMad» сауда желісінің 21 нысаны жұмыс істеп тұр. Енді 22-інші нүктесі Шымкент сити шағын ауданы, 32 үйдің 1 қабатынан ашылды. Жаңа дүкен арқылы 20 мыңға жуық халық азық-түлік тауарларымен қамтамасыз етілмек.
Алаңы 620 шаршы метрді құрайтын бұл жобаға жеке инвестиция тартылған, қазіргі таңда 20 адам жұмыспен қамтылып отыр.
«GraMad» сауда желісінің негізгі бағыты – 2019 жылдан бастап үй жанындағы дүкен форматында өз тұтынушыларына алуан түрлі тауарлар ассортиментін ұсынып, жергілікті тауар өндірушілерді тікелей қолдау.
«GraMad» сауда желісі Шымкент қаласының әкімдігімен бірлесе бағаны тұрақтандыру мақсатында атқарылып жатқан кешенді іс-шаралардың қатысушысы ретінде жұмыс жасайды. Қазіргі таңда “GraMad” сауда желісінде 19 түрлі әлеуметтік маңызы бар азық-түлік тауарлары сатылымда.
Алдағы уақытта дүкендер санын 25-ке жеткізу жоспарланып отыр.
Шымкент қаласы әкімдігінің баспасөз қызметі
