Шымкентте “Жұмыспен қамту және халықтың табысын арттыру” бағыты бойынша бірнеше өндіріс орындары ашылды.
Жыл басынан 31 мыңнан астам азамат жаңадан ашылған өндіріс орындары мен істеп тұрған мекемелерге тұрақты түрде жұмысқа орналасты. Соңғы көрсеткіш бойынша мегаполисте жұмыспен қамту шараларына 52 мыңнан астам адам қатысқан.
Ал әлеуметтік көмек алушылар саны өткен жылмен салыстырғанда 69 пайызға азайып, 15 600 отбасыны құрады. Былтыр 51 263 отбасы болатын.
Мемлекет басшысының тапсырмасына сәйкес, биыл 24 мыңға жуық мұғалімнің еңбекақысы 25 пайызға,
17 мыңға жуық азаматтық қызметшінің жалақысы
20 пайызға, ал денсаулық сақтау және спорт салаларында еңбекақы 25 пайызға өсті.
Жалпы алғанда, биылғы жылдың 9 айында орташа жалақы 22 пайызға өсіп, 229 889 теңгені құрады.
Шымкент қаласы әкімдігінің баспасөз қызметі
