ҚР Сыбайлас жемқорлыққа қарсы іс-қимыл Агенттігінің Түркістан облысы бойынша Департаментінің бастамасымен Ордабасы ауданында әкімнің төрағалығымен аталған Картаға енгізілген сала басшыларының есебі тыңдалды.
Талқылау жиынға аудан әкімі Н.Бадырақов, Департамент басшысының бірінші орынбасары Н.Арынбаев, Департаменттің Превенция басқармасының басшысы Е.Жүнісов, аудандық Қоғамдық кеңес Төрағасы Б.Бекбосын және мүшелері, дербес бөлім басшылары мен ауылдық округ әкімдері, сондай-ақ, БАҚ өкілдері қатысты.
Жиынға төрағалық етуші аудан әкімі Нұрбек Бақтыбайұлы сыбайлас жемқорлықпен жан-жақты күресу мәселесі күн тәртібінен ешқашан түскен емес. Жемқорлыққа қарсы күрестің барлық бағыттары бойынша аудан көлемінде жұмыстар жүйелі түрде жүргізілетінін айтып, күн тәртібіндегі мәселе бойынша жиынды бастады.
Мәжілісте алғы сөз сөйлеген Нұрлан Керімханұлы Агенттікпен әр облысқа «Сыбайлас жемқорлық тәуекелдер» Картасы жасақталып, біздерге бірнеше міндеттер жүктелді. Жүктелген міндеттер мен белгіленген жспарлар облыс аумағында Қоғам өкілдерімен талқыланды. Талқылауда картаға енгізілген сала басшыларының есебін аудандарда Департамент өкілдерімен бірге тыңдау ұсынылды. Ұсынысымыз қоғам өкілдерімен қолдау тапты. Алғашқы тыңдаулар Сарыағаш, Келес аудандарында өтті. Нәтижесі жаман емес. Бүгін міне, Сіздердің аудандарыңызда жалғасын тауып отыр.Тек тыңдап қана емес, осы салалар бойынша жемқорлық тәуекелдерінің алдын-алу, проблемалық мәселелердің шешу жолдарын қарастыруымыз қажет, — деп атап өтті.
Іс шарада сөз алған аудандық қоғамдық Кеңес төрағасы Бахытжан Балтабайұлы сыбайлас жемқорлық тәуекелдер Картасында көрсетілген салалардың бүгінгі күні ауданымызда да өзекті мәселеге айналғанын баяндап, жалпыға ортақ мақсат саналатын жемқорлықты болдырмау бойынша бірлесіп жұмыс жасауға бастама білдірді.
Сыбайлас жемқорлыққа қарсы саясат жұмысының тиімділігін арттыруға бағытталған жиын соңында аталған мәселелер бойынша қатысушылар тарапынан сұрақтар қойылып, өзекті ұсыныстарын жеткізіп, осы ұсыныстарды жұмыс барысында назарға алу қажеттігі айтылды.
Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Түркістан облысы бойынша департаменті
