Бүгін Сайрам ауданының әкімі Ұласбек Сәдібеков аудан аумағындағы жайылымдарды қайтару бағытында атқарылған жұмыстардың барысымен танысты.
Жиналысқа аудан әкімінің орынбасары Ш.Убайдуллаев, аудан әкімі аппараты ұйымдастыру бөлімшесінің басшысы Мади Нурлыбаев, Қарамұрт, Қарасу, Құтарыс ауылдық округтерінің әкімдері қатысты.
Түркістан облысының жер қатынастары басқармасымен белгіленген жоспардың орындалуын аудандық жер қатынастары бөлімінің басшысы Н.Абылғазиев баяндап, өз кезегінде бүгінгі таңда қайтарылған жайылымды ортақ жайылымға рәсімдеу мәселесіне тоқталды.
Бөлім басшының берген мәліметіне сәйкес, аудан бойынша 9,9 мың га жайылымдық алқапты ортақ жайылымға беру жоспарланған. Осы жоспарға сәйкес, 4,2 мың га жайылымдық жер учаскелерін мемлекет меншігіне қайтару жолымен, 5,7 мың га аумаққа жайылым иелерімен ауыл тұрғындарының малын жаюға меморандум түзу жолымен тиісті жұмыстар жүргізілген.
Нәтижелі жұмыстардың аясында жалпы көлемі 6166,8553 га жайылымға жылдың көктем, жаз, күз мезгілдерінде жер учаскелерін қоршамау, ауыл тұрғындарының малын жаюға кедергі жасамау жөнінде жер иелеріне түсіндіріліп, сонымен қатар ауылдық округ әкімі аппараты арасында меморандум түзу арқылы жалпы көлемі 1913,5594 га жайылымдық жер қайтарылды.
Жалпы көлемі 1831,06 гектар жайылымдық жер учаскесін ауыл тұрғындарының малын жаю үшін 7 ауылдық округі әкімінің аппаратына тұрақты пайдалануға беру мәселесі қаралып, жер комиссиясының оң қорытындысы берілді.
Жиналыс соңында аудан әкімі Қарамұрт, Қарасу, Құтарыс ауылдық округтерінің әкімдеріне 15 күн мерзімде рәсімдеу жұмыстарын аяқтауды тапсырды.
Ал, қалған ауылдық округтерінде жерге орналастыру жұмыстары дайындалып, ортақ пайдалануға құжаттарын рәсімдеу жұмыстары өз деңгейінде жүргізіліп отыр.
