Түркістан облысы, Шардара аудандық адами әлеуетті дамыту бөліміне қарасты «Шардара» мектеп – лицейінде «Балалар жылы» аясында, қыздарымыз ұлттық салт — дәстүрлерді қастерлеп, тәрбиелі, білімді, өнерлі болып өсуге, қыз бала гигиеналық тазалықты дұрыс және күнделікті сақтауға, өз бойларын, ойын дөрекіліктен сақтандыру, қыздарды инабатты қыз болып өсуге баулу мақсатында 8 — 10 сынып аралығындағы қыз балалар арасында «Қыз тәрбиесі — ұлт тәрбиесі» атты тақырыпта алдын — алу ағарту жұмыстары кең, ауқымды түрде өтті.
«Қыздың өзі үйде, қылығы түзде» дей келе, алғашқы сөзді мектеп — лицей директоры Сапаров Жанат Әуелтайұлы алып, қыз балаларды әдептілікке, сыпайылыққа, инабаттылыққа, шынайылыққа, ар тазалығын жоғары ұстайтын қылықты қыз болуға шақырып, ең басты міндеттерің сабақты жақсы оқып, өз болашақтарыңды жарқын етуге мақсат қоя біліңдер деп сөзін аяқтады.
Келесі сөз кезегін, мектеп – лицейіміздің педагог — психологы Жұмабаева Феруза әріптесіміз «Қыз тәрбиесі — ұлт тәрбиесі» атты тақырыпта баяндама оқып, әр — түрлі сұрақтар қойып, сауалнамалар таратты. Сонымен қатар, жиналыс барысында қыз бала қандай болу керек, жалпы мектепішілік тәртіп, киім үлгісі, инабаттылық, кішіпейілділік сияқты тақырыптар талқыланды.
Директордың тәрбие ісі жөніндегі орынбасары Ахатова Гүлнұр әріптесіміз қыздарды адалдыққа, парасаттылыққа, шыншылдыққа, жат әдеттерден аулақ жүруге, бір — біріне деген достық сезімдерін нығайту яғни, оқушылардың бойына рухани адамгершілік қасиеттерді ұялату үшін мейірбан, ақылды, шыншыл, қайырымды, адамдық асыл қасиеттерді жоғары қоюға, мектепішілік тәртіпті сақтауға шақырды.
Жиналыс сырласу кеші ретінде өтіп, естелік фотосуретке түсіп, қыздарымыз жақсы көңіл — күймен тарқасты.
