Бұл бойынша қалалық емхананың бас дәрігері Ғани Мырзабеков апталық жиында баяндады. «2021 жылы емханаға 6 оттегі концентраторы, 2 литрлік – 15, 10 литрлік -5 оттегі баллондары алынған. 2022 жылға қажеттілік жоқ, себебі коронавирусты инфекциясын жұқтырған науқастар анықталмауда»-деді.
Аймақтық дәрігерлер мен мейірбикелердің тұрғын үйлерді аралау жұмысы күшейтіліп, жедел респираторлы вирустық инфекция (ЖРВИ) мен коронавирусты алдын алу бойынша түсіндірме жұмыстары жүргізілуде. Бұл бойынша әлеуметтік желілерде тұрақты хабарлама беріліп отыр. Коронавирус инфекциясының таралуын болдырмау шараларын күшейту мақсатында халық арасында түсіндірме жұмыстарын үнемі жүргізілетінін баяндап өтті.
2022 жылдың басынан осы күнге дейін 259 қызметкер біліктілігін арттырған, оның ішінде 80 дәрігер, 166 орта буын медицина қызметкерлер, 13 басқа жұмыскерлер. Жыл басынан 48050 адам скринингтік тексеруден өткізу жоспарланған болса, 48093 адам тексеруден өткендігі анықталған.
Кентау қалалық емханасы 2022 жылы 91% қажетті құрал жабдықтармен қамтылған, 2023 жылға бір портативті УДЗ аппараты және бір эксперт класс УДЗ аппаратын сатып алу жоспарға қойылған болса, 2024 жылға бір мониторы бар ЭФГДС аппаратын сатып алу жоспарланған, дейді емхананың бас дәрігері.
Қала және ауыл округтерінде тұрмыстық зорлық-зомбылық алдын алу мақсатында жыл басынан 10 семинар, 1 дөңгелек үстел, 2 тренинг, 1 пікірлесу, 12 ашық есік күні өткізілген. Жас мамандарды ауылды жерлерге тарту бойынша бес жас маман жұмысқа орналасқан.
2025 жылға қарай өмір сүру ұзақтығын 73,3 жасқа дейін ұлғайту көзделген болса, 2022 жылдың 9 айдың қорытындысы бойынша Кентау қаласы бойынша өмір сүру ұзақтығы 71 жасты құрап отыр.
