Бүгін Кентау қаласы әкімдігінде ҚР ДСМ Санитариялық-эпидемиологиялық бақылау комитетінің бас сарапшысы М.Байтугелов, Түркістан облысының СЭБД басшысының орынбасары Б.Елемесов, Кентау қаласы әкімінің орынбасары А.Байболованың қатысуымен Кентау қаласында орналасқан қоғамдық тамақтану және ұйымдастырылған ұжымдардағы қоғамдық тамақтану нысандарына қойылатын санитариялық талаптар тақырыбында семинар жиын өткізілді.
Жиынға басқарма қызметкерлері, Кентау қалалық «Атамекен» ҰКП директоры М.Садуов, «AMANAT»партиясы Кентау қалалық филиалының атқарушы хатшысы А.Басаров, Кентау қалалық кәсіпкерлік және ауыл шаруашылығы бөлімінің қызметкерлері және кәсіпкерлер қатысты.
ҚР ДСМ Санитариялық-эпидемиологиялық бақылау комитетінің бас сарапшысы халықтың санитариялық-эпидемиологиялық саламаттылығы саласындағы мемлекеттік бақылау мен қадағалауға жататын эпидемиологиялық мәні бар объектілерге бақылаудың талаптары мен жеке кәсіпкерлердің міндеттерін атап өтті.
Сондай-ақ Кентау қалалық СЭБ басқармасының басшысы Егембердиева Ғазиза Ақанбайқызының қалада орналасқан қоғамдық тамақтану және ұйымдастырылған ұжымдардағы қоғамдық тамақтану нысандарына қойылатын санитариялық талаптарын реттілігімен түсіндірілді.
