Бүгін Созақ ауданы әкімдігінің мәжіліс залында денсаулық сақтау саласы, «Міндетті әлеуметтік медициналық сақтандыру» (МӘМС) жүйесі бойынша атқарылған жұмыс барысының 9 айлық қорытындысы туралы есеп беру жиыны өтті.
Мәжілісті аудан әкімінің орынбасары Қалдыбек Оразов ашып, жүргізіп отырды. Аталған жиынға Созақ аудандық орталық аурухана қызметкерлері, ауылдық округтері мен кент әкімдіктері, тиісті бөлім басшылары, БАҚ өкілдері қатысты. Мәжілістің күн тәртібінде «МӘМС жүйесі бойынша атқарылған жұмыс барысы» және «Созақ аудандық орталық ауруханасының 9 айда атқарылған жұмыстардың қорытындысы» болды.
Осы орайда ауданымызға Түркістан облысы МӘМС КЕАҚ филиалының директоры Асхат Бейсенбаев, Түркістан облысы қоғамдық денсаулық басқармасының бөлім басшысы Салтанат Жамалова арнайы келіп, 9 айдың қорытындысы бойынша мәлімдеме жасады. Сондай-ақ, аудандық орталық аурухананың 9 айлық атқарған жұмыстары туралы Бақытжан Мырзагелдиев баяндама жасады.
Жиын соңында аталған мәселе бойынша сұрақтар қойылып, бірқатар ұсыныс пікірлер жолданды.
