Шымкентте “Шығыс” айналма жолының құрылысы қарқынды жүргізілуде. Бүгін қала әкімі М.Әйтенов құрылыс барысы мен жұмыс сапасын арнайы барып тексерді.
Айтып өтейік, “Шығыс” айналма жолының құрылысы былтыр басталды. 1-кезеңі №1 автожолынан “Әл-Фараби”көшесіне дейінгі аралықты, яғни ұзындығы 3,9 шақырым, ені 60 метр 4 жолақты жолды қамтиды.
Қазіргі таңда жол негізін әзірлеу жұмыстары толығымен аяқталып, асфальт жабындысын төсеу жұмыстары жүргізілуде.
Жоспарға сәйкес, құрылыс 2023 жылдың 1 тоқсанында толығымен аяқталмақ. Бүгінгі күнге дейін жұмыстарының 75% орындалды.
Шымкент қаласы әкімдігінің баспасөз қызметі
