КЕЗЕКТІ ҚҰРЫЛЫС НЫСАНДАРЫ ҚАРАЛДЫ
Қазығұрт ауданының әкімі А.Абдуллаев Қазығұрт, Қақпақ, Қ.Әбдәлиев, Шанақ ауыл округтеріндегі жүргізіліп жатқан құрылыс нысандарын аралады.
Алдымен аудан әкімі Арман Айдарұлы Қазығұрт елді мекеніндегі үлкен канал бойынадағы қоршаудың стандартқа сай орнатылғанын көріп шықты. Содан соң, Қақпақ ауыл округі Заңғар елді мекенініндегі көшелерге шағал төсеу жұмыстарымен, Сырлысай елді мекеніндегі 200 орындық мектеп құрылысы, Қақпақ елді мекеніндегі қосымша жер асты суын анықтау жұмыстарымен танысты.
Сонымен қатар, Қ.Әбдәлиев ауыл округіндегі П.Тәжібаева атындағы 200 орындық мектеп құрылысы мен Шанақ ауыл округіндегі жаңадан бой көтеріп жатқан Мәдениет үйінің құрылыс жұмыстарын бақылады.
Аудан әкімі А.Абдуллаев нысандарды аралау барысында атқарылған құрылыс жұмыстарын саралап, құрылыстың қай-қайсысы болса да сапалы әрі уақытылы атқарылуы керектігін айтып, мердігер мекеме басшылары мен ауыл округ әкімдеріне ескертулер жасап, сала басшыларына нақты тапсырмалар берді.
