БӘЙДІБЕК: АУДАН ӘКІМІ АҒЫБЕТТЕГІ ҚҰРЫЛЫС НЫСАНДАРЫН АРАЛАДЫ

Бәйдібек ауданының әкімі Ержігіт Шәріпбеков жұмыс сапармен Ағыбет елді мекеніне барды. Бірінші кезекті Ержігіт Шәріпбекұлы Ағыбеттегі жөндеу жұмыстары басталған көпірде болып, құрылыстың барысын бақылады. Одан кейін дене шынықтыру және сауықтыру кешеніне барды. Аталған спорт кешенінің құрылысын жүргізіп жатқан мердігермен кездесіп, нысанның құрылысы баяу жүріп жатқандығын ескертті. Өндірістік кестеге сәйкес нысанды мерзімінде бітіру керектігін айтып, сапалы жүргізуді және жауапты бөлімге қадағалауды тапсырды. Сонымен қатар аудан басшысы Есіркеп батыр атындағы мектепте болды. Аталған мектептің сыртын қаптау, шатырын ауыстыру жұмыстары жүргізілген. Мектеп директоры жөндеу жұмыстары бойынша атқарылған жұмыстарды баяндады.