Кентау қаласының әкімі Жандос Тасов өткен қала тұрғындарымен кездесуде көтерілген мәселелерді өзі бақылап шықты. Тұрғындармен кездесіп, толғандырған мәселелерін тыңдады.
Қаратау мөлтек ауданында болып, ондағы жол салу, көше жарықтарын қосу, су мәселесін бақылады. Сонымен қатар, Тәуелсіз, Әл-фараби көшесі мен Шұғыла м/а екінші көшенің тұрғындары көтерген трансформаторды ауыстыру, қураған талдарды кесу, аула ішіндегі жолдарды реттеу, асфальт салу жағын бақылады.
Айтылған бірқатар мәселерді қарап шыққан қала басшысы: «алдымен біз сіздерге ең қажетті деген мәселенің шешу жағын қарайтын боламыз. Әр апта соңында келіп өздеріңізбен кездесіп, атқарылатын жұмыстарды баяндайтын боламын,»- деді.
Аралау барысында тиісті сала басшыларына бірқатар тапсырмалар берді. Қала әкімі түрғындарға көтерілген әрбір мәселе бақылауға алынып, қажетті шаралар атқарылатынын жеткізді.
