Кентау қаласының әкімі Жандос Тасов қаладағы барлық өрт гидранттарын түгендеп, тексеру шараларын атқаруды тапсырған. Өрт оқиғасы орын алғанда алғашқы өрт сөндіру құралы су болғандықтан, өрт гидранттарының жағдайы жарамды болғаны маңызды.
Бүгінгі таңда тиісті сала тарапынан қаладағы гидранттарды тексеру жұмыстары жүруде. Осы сәтке дейін, бұл шаралар жүзеге асырылып бақыланбаған. Жалпы қала бойынша 1283 өрт гидранты бар. Оның қанша бөлігі жарамды, жарамсызы анықталған соң жөндеу жұмыстары жүргізіледі.
Өрт сөндіру гидранты — өрт сөндіруге арналған су құбырының жүйесіне орнатылған су бөлетін мұнара. Олардың жағдайы төтенше жағдай орын алғанда өрттен қорғау саласындағы ең салмақты шаралардың бірі болып табылады
Сонымен қатар, тұрғындарға өрт сөндіру гидранттарына қоқыс қалдықтарын тастауға, лас суларды төгуге қатаң тыйым салынатынын ескерте кеткіміз келеді.
