Қазақстан Республикасының Президенті Қасым-Жомарт Тоқаевтың Қазақстан халқына Жолдауында түрлі жұмыспен қамту шараларымен 100 мыңға жуық жас қамтылатынын айтқан болатын. Берілген тапсырма шеңберінде Түркістан облысының Келес ауданында нақты шаралар іске асырылуда.
Биыл Келес ауданы әкімдігінің халықты жұмыспен қамту оратылығының ұйымдастырумен «2021– 2025 жылдарға арналған кәсіпкерлікті дамыту жөніндегі Ұлттық жоба» шеңберінде 5407 азаматты жұмыспен қамту шарасына қатыстыру жоспарланып, 2022 жылдың 8 айында 2890 азамат жұмыспен қамту шарасына қатыстырылып отыр. Бұл туралы аудандық халықты жұмыспен қамту оратылығының директоры Н.Темирбаева жалпы жұмыссыз азаматтарға арналған бос жұмыс орындары жәрмеңкесінде мәлімдеді.
Келес ауданында жұмыссыз азаматтарға арналған бос жұмыс орындары жәрмеңкесі өтіп, 57 жұмыс беруші мекемелерінен 30 тұрақты бос жұмыс орнын, жастар практикасына 86, күміс жас жобасына 6, қоғамдық жұмыстарына 67 бос жұмыс орындарын ұсынды.
Сонымен қатар, аудан әкімдігінің қаулысына сәйкес, мүмкіндігі шектеулі азаматтарды жұмыспен қамту үшін ауданның 8 жұмыс берушіге 8 квота бекітіліп, 2 азамат жолданып отыр. Ал «Пробация есебінде тұрған» азаматтарды 7 жұмыс берушіге 7 квота бекітіліп, 2 азамат жолданды.
Айта кетейік, бұл жәрмеңкеден басқа, үстіміздегі жылы жұмыссыз азаматтарға бекітілген кестеге сәйкес екі рет бос жұмыс орындары жәрмеңкесі өткізілген болатын.
