КЕЛЕС АУДАНЫНДА ЖАЯУ ЖҮРГІНШІЛЕР ЖОЛАҒЫ ЖАҢАЛАНУДА

Келес аудандық полиция бөлімі аудан көшелеріне зерделеу жұмыстарын жүргізген болатын. Нәтижесінде Келес аудандық тұрғын үй коммуналдық шаруашылығы, жолаушылар көлігі және автомобиль жолдары бөліміне арнайы жол сызбасын жаңарту мақсатында ұйғарым жолданды.
«Аудандық полиция бөлімнен аудан аумағындағы жолдардың бойына қажет ететін жол белгілерінің сызбасы келіп түскен болатын. Берілген сызба аясында аудан орталығындағы жаяу жүргіншілер жолағы жаңа оқу жылы басталуына қарсы жаңартылуда. Одан бөлек аудан аумағында орналасқан мектептердің алдына 32 дана жасанды жол кедергілер қойылды» — дейді аудандық ТҮКШ бөлімінің сектор меңгерушісі Алмас Абдуллаев.
Айта кетейік, биыл аудан аумағында 60-қа жуық көше жөнделуде. Бүгінде жөнделген көшелердің бойына қажет ететін жол белгілерінің сызбасы дайындалып, қажетті шаралар атқарылуда.