Түркістан облысының әкімі Дархан Сатыбалды облыс орталығындағы 10-ға жуық құрылыс нысанын аралап, жұмыс барысымен танысты.
Өңір басшысы көпқабатты тұрғын үйлердің құрылыс алаңында болып, мердігерлер мен жауаптыларға бірқатар тапсырма берді. Әрбір құрылыстың сапалы жүргізілуінің қатаң бақылауда болатынын айтып, бұл бағыттағы жұмыстардың қашанда назардан түспеуін ескертті.
Түркістандағы тұрғын үйлерге сұраныс көп. Баға тұрақты. Әкім олардың сейсмикалық жағдайын бақылауда ұстауды, баспаналардың талапқа толық сай салынуын қадағалауды ескертті.
Әкімшілік — іскерлік орталықта 60 көпқабатты үйдің құрылысы аяқталуға жақын.
Қала әкімі Нұрбол Тұрашбеков Түркістанда пайдаланылатын ағын су жүйелері бойынша жұмыс барысын баяндады.
Жалпы жасыл желектерге жарты жылда пайдаланылатын су көлемі 10 млн м3. асады. 5 бірден су босату нүктесінен жалпы тəулігіне 50 мың м3 астам ағын су алынуда. Ай сайын 1,5 млн м3 асатын ағын су пайдаланылады.
Дархан Амангелдіұлы сонымен қатар Яссы көшесі мен «Отырар» шағынауданын абаттандыру жұмыстарын қадағалады. Исмаилов көшесіндегі канал мәселесі де талқыланып, тапсырмалар жүктелді.
