Бүгін Шымкент қаласының әкімі Мұрат Әйтенов коронавирус инфекциясына қарсы QAZ VAC екпесінің төртінші құрамдас бөлігін №3 қалалық емханасында салдырды.
Мұрат Әйтенов екпеден кейін 30 минут медициналық бақылауда болды. Қазір жағдайы жақсы.
Ревакцинация вируспен күресудің жалғыз тиімді жолы.
Айта өтсек, Шымкент қаласында соңғы 1 ай көлемінде 1944 адам коронавирус инфекциясын жұқтырған, оның ішінде 1215 адам аурудан айыққан. Соңғы тәулікте 18 адамнан қауіпті ауру белгілері анықталды. Бүгінде 32 адам стационарда, 697 науқас үй жағдайында ем қабылдауда.
Вакцинаның
1-ші компонентін — 619 672,
2 -ші компонентін — 608 458,
3 -ші компонентін — 361 151,
4 — компонентін – 21910 адам салдырған.
Өзіңіз және жақындарыңыздың амандығы үшін екпе қабылдаңыздар!
Шымкент қаласы әкімдігінің баспасөз қызметі
