«AMANAT» партиясы Ордабасы аудандық филиалы, «Темірлан» бастауыш партия ұйымының ұйымдастыруымен «Ұлттық мұра» партиялық жобасы аясында «Темірлан» БПҰ-ның төрағасы Әбіш Зәуреш Әбдіраманқызының ұйытқы болуымен «Отбасы құндылығы — сарқылмас қазына» атты іс-шара өтті.
Аталған іс-шараға ауылдың ақ жаулықты аналары, жас қыз-келіншектер қатысты.
Басты мақсат, қазіргі таңдағы жастардың санасына отбасы құндылықтарын, оның қадірі мен қасиеті туралы мағыналы дүниелерді көбірек сіңіру мен жастарды отбасылық өмірге дайындау туралы насихаттау.
«Қазақ қызы қай заманда да еркіндігімен ерекшеленсе, әйел — ана отбасының ұйытқысы ретінде танылған. Ұлттық құндылықты ұрпақ санасынан өшірмеу үшін аналарымыз зор еңбек етті. Сол қалыпты бүгінгінің жас келіндері жалғастырып отыр. Тарихтың қай парағын ақтарсаң да текті аналарымыздың айшықты ісі мен ғибратты сөзіне қанасың. Олар талай аңызға арқау болды. Осындай ерен жандарға құрмет көрсетпеу мүмкін емес», — деді «Темірлан» БПҰ-ның басшысы Зәуреш Әбдіраманқызы.
Осы іс-шара барысында апа-әжелеріміз қазақтың қара киізінің жасалу жолдарын жастарға түсіндіріп берді.
