Түркістан облысы әкімінің орынбасары Ертай Алтаевтың төрағалығымен өңірдегі қоғамдық-саяси ахуалға арналған кезекті штаб отырысы өтті. Жиынға құқық қорғау органдарының өкілдері, басқарма басшылары қатысты.
Кездесу барысында өңірдегі қоғамдық ахуалды тұрақты бақылауда ұстау, тұрғындармен кері байланысты күшейту, қоғамдық орындарда құқықтық тәртіп пен мәдениетті сақтау мәселелері бойынша ұсыныстар айтылды.
Жиын қорытындысында облыс әкімінің орынбасары өңірдегі қоғамдық келісім мен тұрақтылықты сақтау – баршаға ортақ міндет екені атап өтіп, алдағы уақытта да қоғамдық-саяси ахуалды тұрақты бақылауда ұстап, әлеуметтік тұрақтылықты қамтамасыз ету бағытындағы жүйелі жұмыстар жалғасатынын айтты. Тиісті сала басшыларына халықтың әлеуметтік сұраныстарын дер кезінде анықтап, нақты шешімдер қабылдау, азаматтардың өмір сүру сапасын жақсартуға бағытталған жұмыстарды жалғастыру жөнінде тапсырмалар берілді.
Отырыста мемлекеттік органдар мен құқық қорғау құрылымдарының өзара іс-қимылын күшейту, ақпарат алмасу тетіктерін жетілдіру және қоғамдық қауіпсіздікті қамтамасыз ету бағытындағы жұмыстарды үйлестіру мәселелері де талқыланды. Бұл ретте тұрғындардың өтініштері мен ұсыныстарына жедел ден қоюдың маңыздылығы атап өтілді.
Сонымен қатар, қоғамдық-саяси ахуалға әсер етуі мүмкін тәуекелдерді алдын ала зерделеп, олардың алдын алу шараларын жүйелі түрде жүзеге асыру қажеттігі айтылды. Жауапты мекемелерге тұрақтылықты сақтау, азаматтық қоғам институттарымен өзара байланысты нығайту және халықпен ашық диалогты жалғастыру бағытында нақты міндеттер жүктелді.
Штаб отырысында берілген тапсырмалардың орындалуы тұрақты бақылауда болады. Алдағы кезеңде өңірдегі қоғамдық келісім мен әлеуметтік тұрақтылықты нығайтуға бағытталған кешенді жұмыстар кезең-кезеңімен жүзеге асырылатын болады.
Отырыс барысында жауапты мекемелерге қоғамдық-саяси ахуалға тұрақты мониторинг жүргізіп, туындауы мүмкін мәселелердің алдын алу, халықпен тиімді кері байланысты қамтамасыз ету және ведомствоаралық өзара іс-қимылды одан әрі күшейту бағытындағы жұмыстарды жүйелі түрде жалғастыру тапсырылды.
