Сарыағаш ауданында 2024-2025 оқу жылының қорытындысы бойынша 3714 оқушы 11 сыныпты аяқтаса, оның 517-і ҰБТ- ге қатыспауға ниет білдірген. Осыған орай аудан әкімінің орынбасары А. Қозыбаевтың тапсырмасына сәйкес «Жас түлек» ақпараттық керуені тобы құрылып, бүгін топ мүшелері Ақжар, Жемісті, Жібек жолы ауылдық округтерінде мектеп бітіруші түлектермен бірқатар маңызды кездесулер өткізілді. Басты мақсат – ҰБТ-ға қатыспаған немесе төмен балл жинаған түлектерге колледждерге оқуға шақыру, әскерге бару мүмкіндіктерін таныстыру және олардың болашағына дұрыс бағыт беру.
Кездесуде түлектерге «Серпін -2050» бағдарламасының тиімділігі сондай- ақ, аудандағы Қапланбек жоғары аграрлық-техникалық колледжі, Сарыағаш көпсалалы колледжі, №12 мемлекеттік колледжі, Арыстанбаб жоғары колледжінің және Шымкент қаласындағы АзиМед жоғары медициналық колледждің өкілдері
мемлекеттік грант арқылы тегін оқу, тегін жатақханамен қамтамасыз етілу, сапалы білім мен кәсіби тәжірибе алу, қызықты студенттік өмір сияқты нақты мүмкіндіктердің барын жеткізсе, ал қорғаныс істері жөніндегі бөлім қызметкері түлектердің әскерге барудың тиімділігіне тоқталды.
Ақпараттық топтың жетекшісі, аудандық жастар ресурстық орталығының басшысы Н. Отаров “ҰБТ – бұл өмірдің жалғыз жолы емес. Ең бастысы – өз бағытыңды табу және тоқтамау” – деген ойды ерекше атап өтті. Дұрыс мамандық таңдау болашақа сенімді қадам. Жастарға бағыт беру – болашаққа салынған сенімді инвестиция.
Біз әрбір жастың болашағына бейжай қарамаймыз!
