Еңбектің наны тәтті, жалқаудың жаны тәтті деген қазақ. Адал іс қашанда биік белестерге бастайтыны анық. Жалпы тұрғысынан алғанда адамзаттың қолына игі істің барлығы дерлік келеді. Әуелі ынта мен жігерді басты орынға қою керек.
Осыған орай, Сарыағаш қаласында орналасқан ағаштан өндірілетін астау цехына қала жастарымен кездесу өтті. Кездесудің негізгі мақсаты- жастарға адал еңбектің қыр сырымен таныстыру. Атап айтқанда цехты кәсіпкер Сейтқасым Ерсұлтан ағамыз басқарып,өз адал еңбегін дөңгелетіп отыр. Цехта өндірілетін бұйымдар астау, кесе,бас-табақ, тегеш, ожау шығарылады.
Кездесу де кәсіп иесі құралдардың қалай дайындалатынын және сапасы жағынан жастарға мәліметтер берді. Кездесу соңында жастар өздеріне қызықты бұйымдарды тамашалап,маман иесіне сұрақтар қойып естелікке суретке түсті. Еңбек етсең- ерінбей, тояды қарның тіленбей демекші барша жасты адал еңбек етуге шақырамыз.
