Келес ауданы Жастар ресурстық орталығының ұйымдастыруымен жастар арасында болашақ мамандықты дұрыс таңдауға бағытталған ақпараттық-кеңес жұмыстары жүргізілді.
Қазіргі заманда мамандық таңдау — бұл жай ғана еңбек жолын емес, өмірлік бағытты анықтау. Осы орайда жастарға кәсіби бағдар беру, олардың қызығушылығы мен қабілетіне қарай дұрыс бағыт сілтеу — маңызды міндеттердің бірі.
Шара барысында жастарға жоғары және техникалық білім алу жолдары, гранттық негізде оқуға түсу мүмкіндіктері, сондай-ақ «Серпін» және «Дипломмен ауылға» сынды мемлекеттік бағдарламалар бойынша нақты ақпараттар берілді. Түлектер мен жастар өз көкейлеріндегі сұрақтарын қойып, пайдалы кеңестер алды.
Әр адам өз мамандығын сүйіп, жан-тәнімен еңбек еткенде ғана шын мәнінде елге қызмет етеді. Мамандығын мақтанышпен атқарған жастар — ел ертеңінің сенімді тірегі.
