26 маусым халықаралық нашақорлыққа және олардың заңсыз айналымына қарсы күрес күні осыған орай Келес ауданы Жастар ресурстық орталығының ұйымдастыруымен «Толағай – 2025» атты отбасылық сайыс жоғары деңгейде өтті. Игі шараның басты мақсаты – отбасы құндылықтарын дәріптеу, ата-ана мен бала арасындағы қарым-қатынасты нығайту және ұрпақтар сабақтастығын қалыптастыру.
Іс-шараны бастап салтанатты ашылуына арнайы Келес ауданының ішкі саясат мәдениет, тілдерді дамыту және спорт бөлімі басшы орынбасары Жансая Өмірәліқызы ашып берді.
Іс-шараның соңында жеңіске жеткен командаларды марапаттау және қатысқан командаларға ынталандыру сыйлықтарын жеке Келес ауданы әкімдігінің “Жастар ресурстық орталығы” басшы орынбасары Турымбетов Нұрдаулет Бахытбекұлы табыстады
Сайыс барысында отбасылар түрлі спорттық және зияткерлік кезеңдерден өтіп, ұйымшылдықтарын, шеберліктерін және тапқырлықтарын көрсетті. Әр кезең – тек жарыс емес, отбасылық сыйластық пен ынтымақтың көрінісіне айналды.
Жылы жүздер, қуанышты күлкі мен қолдауға толы жанкүйерлер – «Толағай» сайысының басты көрінісі болды. Мұндай іс-шаралар жастар мен жасөспірімдерге өнеге болып, отбасылық институтты нығайтуға үлкен серпін береді.
Сайыс соңында жеңімпаз және белсенді отбасылар арнайы марапаттармен, алғыс хаттармен марапатталды.
Берекелі отбасы – жарқын болашақ кепілі! Ұлттық тәрбие отбасыдан басталады!
