Түркістан облысы қоғамдық даму басқармасының қолдауымен, «Жастар ресурстық орталығы» КММ ұйымдастыруымен еліміздегі ең ауқымды жобалардың бірі — «JasSAQ» республикалық этно-реалити шоуы өз жұмысын бастады.
Телевизиялық форматтағы бұл ерекше жоба Түркістан қаласынан бастау алып отыр. Еліміздің барлық өңірінен жиналған 100-ге жуық жас қатысушы киелі қалаға табан тіреді.
ҚОНАҚТАРҒА ҚҰРМЕТ — ТАРИХҚА САЯХАТ
Қатысушылар алғашқы күні ұлттық тағамнан дәм татып, Түркістанның тарихи-мәдени орындарына экскурсия жасап, Қожа Ахмет Ясауи кесенесі мен киелі нысандармен танысты.
КЕШКІ УАҚЫТТА — ЭТНО-ЛАГЕРЬГЕ ЖОЛ
Кешкісін қатысушылар Созақ ауданындағы «Жұмбақ тас» этно-лагеріне аттанды. Табиғат аясында өтетін бұл лагерьде:
ұлттық тәрбиелік шаралар,мәдени-спорттық жарыстар және тағылымды бағдарламалар ұйымдастырылады.
ЖОБАНЫҢ МАҚСАТЫ:
Ұмыт бола бастаған ұлттық салт-дәстүр мен ойындарды жаңғырту, этномәдени құндылықтарды жастар арасында дәріптеу, рухани тәрбие мен патриоттық сананы қалыптастыру
ЭТНО-БӘСЕКЕЛЕР МЕН ЖАРЫСТАР:
— Жігіттер- қазақ күресі,қошқар көтеру,садақ ату,ләңгі тебу, арқан тартыс
— Қыздар: күбі пісу, сиыр сауу
Жоба соңында жеңімпаздарға арнайы марапаттар мен бағалы сыйлықтар табысталады.
«JASSAQ» — ҰЛТТЫҚ РУХ ПЕН ЗАМАНАУИ ЖАСТАРДЫҢ ҮНІ
Бұл жоба — ұлттық болмысты сезінуге, рухани түлеуге, салт-дәстүрмен қауышуға арналған бірегей алаң. Жастар үшін бұл — жарыс қана емес, тарихпен тілдесіп, ұлтпен үндесу.
Бізбен бірге болыңыз!
