Қазығұрт аудандық полиция бөлімінің бастығы Алмас Серікбаев халық алдында есеп беріп, өткен жылы атқарылған жұмысты қорытындылады.
Есеп беру жиынына Қазығұрт ауданы әкімінің орынбасары Нұрсұлтан Данабайұлы, прокурор орынбасары Д.Кузеров, сот төрағасы Д.Машрапов, ардагерлер кеңесінің төрағасы, тұрғындар мен жеке құрам қатысты.
2024 жылы полицейлермен жасалған жұмыстар бойынша баяндама жасаған А.Серікбаев тұрғындар тарапынан қойылған сұрақтарға жауап берді. Оның ішінде жол жүру белгілерін және көшелерге бейнекамералар орнату, интернет-алаяқтық қылмыстарының алдын алу жайы талқыланды.
Мәселен Қазығұрт ауданы аумағында интернет-алаяқтығының алдын алу мақсатында тұрақты түрде халықпен әр түрлі түсіндірме жұмыстары жүргізіліп жатыр. Тұрғындарға үнпарақшалар таратылып, мектеп мен мекемлерде кездесулер ұйымдастырылуда.
Тиісті мамандар тарапынан қаншалықты түсіндіру жұмыстары жүргізілгенімен тұрғяндардың интернет-алаяқтарға алданып қалу оқиғалары азаяр емес. Сондықтан да, жеке деректерге абай болып, күмәнді қоңырауларға жауап бермей, сілтемелерге өтпей, қауіпсіздің шараларын мықтап ұстаудға шақырды. Сондай-ақ жол белгілерін орнату және қауіпсіздікті қамтамасыз ету үшін бейнекамераларды орнату бойынша әкімшілікке ұсыныстар жолданған.
